أرشيف الموقع

الساحات الخليجية من 6/1

*) المقال…من وجهة نظر شخصية قابلة للخطأ والصواب..ولايعد خلاصة لدراسة دقيقة… (حسين بن سوده) الساحة السعودية الساحة الشعبية في السعودية رغم أنها الأكبر وتزخر بالإبداع وعدد لايحصى من الرموز الشعرية ورغم أنها سباقة في الصحافة الشعبية لكن إعلامها لم يكن بحجم الشعر فيها، وخلال عقدين من الزمن أو مايسمى عصر الرواد كان التركيز على (رموز) معينين وقدمتهم الساحة السعودية على ...

أكمل القراءة »

موعد لقاء

أخيراً القلب أستقر فـي جيّتـك والحـظّ  قـام من بعد رحلة عمْر في رجوى الحظوظ  الخايبه جيتي على موعد لقا فَـآخر محطّـات الغـرام جيتي على نفس الطريق اللي محبّك سـار بـه جيتي وانا اشكي من هجير الوقْت يا وبْل الغمام وأستمطـرك قلبـي محبـه شكلـت  سَحايبـه في غيبتك كنت الْمحك غيمه مع سربْ  الحمـام خيال يأتيني مـع سـرْب الحمـام وطـار بـه في غيبتك كنت اكتبك بالنور في صفحة  ظـلام وأتخيّلك نجمه تضـي وجـه الليـال الشاحبـه كنت ارسمك في صمت لوحه من تفاصيل الكلام يلين صرتي جزء مـن روح القصيـد  وكاتبـه شاعرْك ما عاش فْحياته في سلام وفـي  وئـام إلاّ على وقْع المصاعب .. والحيـاة الصاخبـه جيتي وهو غارق فيّ الفوضى وعالق فِـالزحام جيتي تعيدين النظـام لْقلـب ضـاق  بْصاحبـه يَـاوّل محطَات الغرام واخر محطّـات الغـرام في جيّتك ما عـاد بسـأل ويـن كنتـي غايبـه

أكمل القراءة »

ثورة مشاعر

على وقع انتفاضات الشعوب وصرخة المظلوم هنا ثورة مشاعر حب بين الشعـب  والحاكـم هنا في دار زايد ننتفض فـي حبّهـا ونسـوم نسوم ارواحنا من أجل يبقى وضعهـا  القايـم تقسامنـا محبتهـا ونترحّـم علـى المرحـوم مؤسسها وباني مجدها فـي ماضـي  وقـادم نسلّمها يدين اللي سهـر مـن اجلهـا ونْنـوم ونصحى مستمدّين الضيا من وجههـا الباسـم وعاهدنـا خليفـه بالـولا ومحمـد  المكتـوم على حب الوطن والشعب بالقـادات متلاحـم كأن الله خلقها معجزه في الأرض سبع نْجـوم يشتّت نورها في الشرق الاوسط ليلـه القاتـم إمارات الريـاده والعطـاء وقبلـة  المهمـوم إمارات الرخـا عنوانهـا استقرارهـا الدايـم إمارات البنا تبني غـداَ بالعـزم قبـل اليـوم يسابقها الزمن وانجازهـا يتجـاوز  (التايـم) تفاخرنـا بهـا بيـن الامـم ولا لحقنـا لـوم تفاخرنـا.. مـن إنجازاتهـا يتعلـم العـالـم وعلّمنا من دْروس الوفـا للجاهـل الموهـوم تلاحمنا مع القاده.. وصـحّ النـوم يـا  نايـم هنا شعب امتلك ما لا توقّع من عطا  وعـزوم هنا دوله عظيمه والشعب في مجدها  مْساهـم على وقْع انتفاضات الشعوب وصيحة المظلوم هنا ثورة مشاعر حب بين الشعـب  والحاكـم هنا في دار زايد ننتفض فـي حبّهـا ونسـوم نسوم ارواحنا من أجل يبقى وضْعهـا  القايـم

أكمل القراءة »

سيّد الصعاليك

يا عروه ابن الورد لا ضقته من الواقع غزيـت ولا نهبته غيـر.. سـادات اليمـن وام القـرى عزيز في قومك ولكنّـك أبيـت ولا  رضيـت تْنام متـرف والفقـارى مـا يذوقـون الكـرى سمّوك متمـرّد علـى عاداتهـم ولا استحيـت لا تستحي وانته من اكرم من مشى فوق  الثرى الجاهلية تزدري الإخـلاق وانتـه مَ ازدريـت غير الجَهل واخلاقك السمحه من اقوامك  بـرا سيّد صعاليك العرب يعدو معك لا مـن عديـت (مالك وحارث والسليك.. النهشلي.. والشنفرى) يا عروه ابن الورد ليتك عشت حاضرنا  وريت أقوام ما تسمع ..ولا كنْها تحـس.. ولا  تـرى حال العرب من بعد حكم الشرع لو نشكي بكيت ( طغاتهم ) للجاهليـه.. غصْـب ردّوهـم ورا أستضعفوا واستعبدوا ثم ابتدوا حيـث  انتهيـت ثاروا.. وثارت معهم الدنيا وهذا اللـي جـرى ظالم وراهم فرد فـرد ودار دار وبيـت بيـت وآخر يشوف انه ضروره وان مطالبهـم هـرا والعولمه على جباه العرْب.. تكتـب  مانشيـت ما عاد به حالة وسط .. اما اغنيـا ولاّ  افقـرا يا عروه ابن الورد لا ضقته من الواقع غزيـت وشعوبنا مثلك على الواقع … (يردّون  البـرا)

أكمل القراءة »

عرافة الودع

عَرافـةْ الوَدع لا تقريـن أفكـاري وَلا تقولين لي شيئاً عن أسـراري   لأني أكفر بمـا انتـي تؤمنيـن بـهِ لا يعلم الغَيْب إلا الخالِـق البـاري   الشعْر منفاي والأيـام مابَرِحَـتْ تعْزِف على دفتري وِتدوزِن اوْتاري   نُفِيتُ من موطن الأحـلام مرتحـلاً لمِوطن الذات واستُبْدِلْتُ فـي داري   وحيدٍ إلا مـن أفكـارٍ تراودْنـي للمُبْعدينا مشيّدْ نِصْـب تذكـاري   مِنْه أستدّميت بعضاً مـن ...

أكمل القراءة »

جلّد الذات

من باب جلّد الذات يامَرْكَب التَيـه خِذْني…. بَلا تحديد وِجْهَه وعِنوان خِذنْي… مسافِر كل الاوطان  تنفيه زاده شعرِ والأمتعة شَنْطَة أحـزان خذني رجل مبدأ… تخونه مباديـه في حضرة السلطان ساقوه قُربـان خِذني وطَنْ|ضاقَتْ حدوده بأهاليِـه خِذْني وطَنْ|مهجور ما فيه سِكِّـان خِذْني [ فِكِر] مسجون ومكِبّل ايديه تبكي له الجدران.. وتغيض سجّان من ضِيْقتي.. ضاق الخليج وْمرافيه يانِعْمَة النسيان… محتـاج نسيـان نسيان “واقع” كل ما احاول ارضيه يْشوفني “مجنون جـداً”  وغلطـان والبحْر مَنْفى الروح يا مرْكَب التّيه خِذْني كذا..وِبْـدون دَفّـه وربَّـان

أكمل القراءة »

عالم الذوق

يا هاجسي سلّم علـى عالـم الـذوق وان كان باقـي ذوق بالشعـر لايـق وان قلت ما حصّلت فِـالناس مخلوق سلّم على نفسـك.. وحـلّ  الوثايـق واقطع حبال الفكر معلـوق  معلـوق ما عاد لي طاقـه ولا انتـه  بطايـق الطقس غايم والسما رعـد  وبْـروق والجو رايق.. بـس مانـي  برايـق محبط.. ومتشائم.. وضايق.. ومخنوق واكثار مثلي بيـن محبـط  وضايـق إن كانت الأذواق مـا تنتـج  فْـروق وِشْ فايدة لـو نختلـف فِـالطرايـق بيت الشعر محروق لا شك محـروق دام المطافي مـن تشـب  الحرايـق لكن بحكم السوق يا منطـق  السـوق رخصه تجاريه.. كـروت  وبطايـق نتقاسم الساحـة عمـولات وحْقـوق ونواجه الواقـع… حقايـق  حقايـق

أكمل القراءة »

الرصيد العاطفي

يَـاهل الودايع لا تلومون القطاع المصرفـي عْقولكـم متفاوتـه.. وأرباحكـم  متفـاوتـه والاقتصاد اللي مهوب (الاقتصاد المعرفـي) معَ مـرور الوقـت يتبيّـن مـدى رخاوتـه واللي مَ يملك في القلوب الاّ الرصيد العاطفي إن مَ ارفعوا غلاوته.. ما نقّصـوا  غلاوتـه هذا رصيده عندما كان بْحضـوري  يحتفـي وْذا رصيده مـا تغيّـر مـن بعـد  جفاوتـه إن غاب قلْنا له وفي.. إن عاد قلنا له  وفـي يبقى انبطاعي عنْه في لينـه وفـي قَساوتـه أما انت يللي كل ما شبّيت ضوّك..  تنطفـي في وقت ما عاد الغبي تشفع معـه  غباوتـه خوي.. لكنك تذكّرنـي بْـ(حامـد  آصفـي) صداقته.. ما جنّبتني مـن ضـرر  عداوتـه وْقبل لا نطوي مسافـات العتـاب  ونكتفـي ونترك الفاضـي يعالجهـا علـى  فضاوتـه أحذّرك من بايع الحلوى (عمـاد الأشرفـي) لـو طعّمـك كنافتـه مـاذوّقـك بقـلاوتـه

أكمل القراءة »

الشارع الشرقي

أفتَحْ على الشارع الشرْقـي شبابيكـي واعلِّقْ اليـوم بيـن الوَهْـم والواقـع واعيش لحظَة أمَلْ وان عاد  تشكيكـي من ضيقة الحال أقوم آمَتِّـر الشـارع مظلوم مظلوم يا العصـر  المماليكـي ما بين طالِعْ ونازِل.. نـازِل  وْطالِـع لو كِنْت صعلوك من ضمن الصعاليـكِ ما كنت الاول وصِرْت المركز  الرابع تعبْت وانهـار تخطيطـي.. وتكتيكـي أمام مـن يقـرؤون الكـفّ والطالـع ما بين شِعْر (الحداثه) و  (الكلاسيكي) منَحْت شِعْري صفة (ظبياني  الطابـع) وْجيت ساري علـى دَرْب  المهاليـكِ واتنشَّد الليل وينك غِبْـت  يَـالقاطـع؟ (رمزي كلارِكْ) وزير العَدْل الامريكي أصبَح محامي مَـعَ صَـدَّام  وِمْدَاِفـع والاَّ انْت من دِيْرتي واهْلـي  أهاليـكِ يعني تعذَّر بـأيّ اعـذار مِـشْ نافـع وآخـر نـدا بَعْـدِهْ آسَكِّـر شبابيكـي عطني أمَلْ.. قَبْل لا تعطينـي الدافـع

أكمل القراءة »

عبوة ناسفة

الليله الليله هواجيـس الشعـر مـن كـل صـوب جتني على شكل السكـون اللـي قبيـل  العاصفـه وانا من العصْر انتظر والشمـس مالـت للغـروب بسري ولو نصف العرب ما تـدري ايـش السالفـه بعض الدروب ادلها واتيـه فـي بعـض الـدروب والهـمْ شكّـل ناصفـه والضيـق شكّـل  ناصفـه شاعر أحـس بْداخلـي تتجسـد احـلام الشعـوب اللي غلبهـا اليـاس مـن كثْـر الوعـود الزايفـه وِشْ هي جنت غير الكوارث والمآسي  والحـروب والتفرقه..,والبلطجيـه مــن قــوى  متحالـفـه ياواقفة تستجوبين الصمت فـي الوجـه  الشحـوب قد لايجيـب الصمـت ويطـول أنتظـارك  واقفـه تؤكديـن.. أن الزمـن يـزرع تجاعيـد ونــدوب وليـش جيتـي تسأليـنـي دام وانـتـي عـارفـه هنا هنا يـا واقفـه شاعـر علـى حـدّ النضـوب أستنفـد أفكـاره ولا زالـت جـروحـه  نـازفـه ثامن سنـه أخيـط وافصّـل مـن الأحـلام ثـوب أكبر انـا والثـوب يقصر…مثـل مَ انتـي شايفـه لا تحزني والشعر مثْل الصدق في عيـون الكـذوب قـد تختلـط زيـف المشاعـر والنوايـا الهـادفـه نوب التمس فيـه الأمـل والهـم والإحبـاط نـوب واحيان فـي دربـي يجـي يـزرع عبـوّه ناسفـه واللـي يقـول ان انتقـاد الـذات تكفيـر الذنـوب مبـدأ.. ولـي وجهـة نظـر.. أوافقـه  واخالفـه أوافقـه بـأن البدايـه صـح والمخطـي يـتـوب وأخالفـه لـو قـام يهـدم مـا بنـتـه العاطـفـه والشاعر اللـي غـرّه التغييـر واغـراه الركـوب موجه تسوقـه ليـن ترمـي بـه بقلـب العاصفـه يذكر خويّه كل ما هبّت علـى اشراعـه..  هبـوب واليا احتمى الموقف.. خسر شِعره ويتـرك ماقفـه وان ضقت يا صدر الشمال الوسع في صدر الجنوب والفلسفـه وجهـة نظـر.. وانـا مـن  الفلاسفـه

أكمل القراءة »

مختلف

  أرحلي والبَحْر ما يسمع ندا واصوات  غَرْقـى ارحلي والليل دَرْبِك والرّعَدْ والبَـرْق  بَرْقِـي سافري في قاع جَرْدا والسما بالسِحْـب زَرْقـا دامِكْ أوَّلْ من ظِمِي من سِبّتي واسقاه  عِشْقـي وانتي أوَّلْ من بنى لي صَرْح حبّ وْسِلّمْ  أرقى وانتي أوَّلْ من نصَبْ لي مشنقه.. واغراه شَنْقي وانتي أوَّلْ من عطاني دَرْس وِشْ مَعْناة فَرْقـا وانتي أوَّلْ من عطيته دَرْس كيـف آرِدّ حَقّـي كِنْتي أوَّلْ شَخْص (يوْقِدْني) شَغَبْ وافكار خَرْقا وانتي أوَّلْ من حَرَقْ بالذاكره في يوم  حَرْقـي كِنْتي أجمل من نساء الكون كِلّه وانتـي أتقـى وانتي أنقى ليتني قادر على تكذيـب  صِدْقـي كِنْتي أوَّلْ من عطى للحبّ واهْل الحـبّ حَقّـا وانتي أوَّلْ عنصريّه مارسَتْ تطهيـر عِرْقـي إرحلي وارضي غرورك واستبيحي ما  تبقّـى إخرفي تَمْري وَلا ترضين قَبْل احراق  عِذْقـي إرحلي عِنْد المغيبْ ويَمّمـي بالوَجْـه  شَرْقـا واذكريني عِشْق شَرْقي واذكريني عِطْر  شَرْقي واذكريني في شقاوَة طِفْل واعْنَدْ مِنْـه واشقـى واذكريني في وقَار الشيخ في صَمْتي  وْنِطْقـي واذكريني شاعِر أرقى من شِعِر وافكار  حمقى إذكريني مِخْتلِفْ في فِكْري.. اسلوبي.. وْطَرْقي   2008

أكمل القراءة »

غصْن زيتون

الوقـت ضيّـق والإجـازه  قصـيـره والوعد منّك للأسـف غيـر  مضمـون تسرح وتمـرح فـي الجميـرا وديـره وانا مقيّـد فـي اتيكـات  (سوربـون) يللي حملت مْـن الصفـات  الخطيـره أفكار بـن جريـون وافعـال شـارون ظلمتنـي ظلـم الـعـرب للجـزيـره تخـدم قضايـاهـم وفيـهـا يسـبّـون واحرمتني مـن حـب سلمـى وميـره اللي على افكـاري وشعـري يموتـون مَ ادري علامـك يـا عمـيّ البصيـره أقول لك من هون وتقـول مـن هـون مـادام تتحـرّى الامـور  الصغـيـره وِشْ لون قل لي يضبط الوضع وِشْ لون أجيـك شاكـي شـر وقتـي  وخيـره أبيـك تـدري قبـل للنـاس يــدرون وْتحسـب انـي بـس مجنـون غيـره مجنـون.. لا والله مـانـي بمجـنـون لـو كـلّ مـن بيـده يقـرّر مصيـره ما كان اجيك وْفي يدي غصْـن زيتـون

أكمل القراءة »

اهل العين

علي الحرام ان الوفاء طبع فَـاهل  العين إذا خابت افعال الرجاجيـل مـا خابـوا طويلين الأيدي ما علمْنـا قصيـر ايديـن على المرجله شبّوا.. على المرجله شابوا يطيب الرجِل من بعد ما يبلغ  الخمسيـن وهمْ تحت عشرين السنه بالوفـا  طابـوا واذا عدّد عْيوب الأجاويد (ابو  وجهيـن) هل العين مدحوا في الأجاويد ما  عابـوا واذا تنتخي فِـالضيق برجال  معروفيـن يغيبون.. وأهل العيـن لبّـوا ولا غابـوا واذا قلت دار الزين اي بالله دار  الزيـن ولو شك فيني بعض الاحباب  وارتابـوا وما همّني دام الوفا طبع فَـاهـل العيـن إذا خابت افعال الرجاجيـل مـا خابـوا

أكمل القراءة »

قُربان

يْقول نتشابه وانا اقـول: لا.. فـرْق أمّـا الضحايا..كـل منّـا ضحـيّـه أنا ضحيّه..لاختلافي في..  الطـرْق وانته ضحيّه.. مـن قصايـد  رديّـه أنا أزرقوني من سهوم الغـدر  زرْق وانته.. مدلّـل فـي عيـون أنثويّـه أنا عطوني(للسحب) تجـزي البـرْق وانته عطيّـه.. مـا وراهـا جزيّـه أنا احترقت أجنّب اخوانـي الحـرْق يوم الخـوي بيديـه يحـرق خويّـه واعفيت يا (روح القضا) تهمة السرْق عشـان.. تسرقنـي أيـادي  خفيّـه قدّمتني قربـان للغـرب يـا شـرْق وأرضيتهـم..ولا رضيتـه  علـيّـه واستشهد التاريخ في مقلتـي  غـرْق يعني ضحيّه فـي عيـون الضحيّـه

أكمل القراءة »

سهم الغلا

يللي على دار زايد جـاي أو  رايـح أشتاق لك كثْر.. روحاتـك  وجياتـك من طيب قلبك معاي وعقلك  الراجـح يتغيّر الوقت.. مـا غيـرت عاداتـك لوكان سهم الغلا في البورصه طايـح ماطحت من قلب من يغليك و …….. ركّز على شاعرك مشروعك الناجـح في حال تخسر يعوّض لك خَساراتـك والبـارح الله يسامـح ليلـة  البـارح من حيث ما كنت تقضي معظم اوقاتك ثارت جنون المشاعر والهدف  واضح تذاكرك…فندقك…بنكك…مطاراتـك ثورة أحاسيس ماهـي ثـورة الفاتـح تقتصّ من جدول اعمالـك ورحلاتـك الناس تخطي ولكـن الخطـا الفـادح أن تستمر في الخطا وتزيـد غلطاتـك وان شفت حالك بعين الشاعر الكـادح يمديك تلحق قطار العمـر لـو فاتـك

أكمل القراءة »

أخبار حصرية

يـا ملتقـى عالـم الإبـداع والشهـره من ملتقاكـم نذيـع اخبـار  حصريّـه أخبار يطغى عليهـا الرمـز والشفـره لو كان مـا هـي بمعلومـات  سريّـه بس المهم يغني الموجز عـن  النشـره مـع تفاصيـل صوتـيّـه  ومقـريّـه يا ملتقى اهل الطرب والرقص والسهره يكفي عبـث بـسّ بعقـول الصغاريّـه الحريّـه ويـن وأنتـم ويـن ياحسـره يللي تصيحون بأعلى الصـوت حريّـه يا آفة العصـر يالجرثومـه  الخطـره لي تنقـل امـراض روحيّـه وفكريّـه عديمي احسـاس والأخـلاق  مندثـره عرب فيّ الشكل بـس قْلـوب عبريّـه وْعيـد راس السنـه تْباركـوا  ذكـره وْتجهلـون أي عــام الآن هجـريّـه مـا الومكـم والفضائيّـات منتـشـره فـي بيوتنـا تنقـل الحفـلات فوريّـه واعلامنـا ذي تناسـى مقتـل  الـدرّه يْتابـع اخـبـار عـدويّـه ومـاريّـه أشره عليكم حشـى والله مـا  باشـره أشره على أصحاب الأفكار  التجاريّـه سـؤال للمخـرج المنبـوذ والنـكـره لي علّم البنت ترقـص شبْـه  عاريّـه شْ لون يخدم بلاده هَزّ مـن  خصـره أن مـا خدمْهـا ببـاروده  وشبـريّـه يا لعن ابوهـا مجلّـه تطـري لْذكـره وْلعن ابو جدّهـا موضـات  عصريّـه أجيال ضاعت وضاع المجتمع  باسـره وانا بطالب بوضـع احلـول  جذريّـه مطلوب وقفه تصـد الهجمـه  القـذره بْقـوة احـكـام قسـريّـه وقهـريّـه وارجع وأكرر عتب مـرّه ورا  مـرّه أعتب على اصحاب الافكار  التجاريّـه

أكمل القراءة »

مسخره

على إثر ما صابني من نوبة احباط وضجـر كنّي بقول الله أكبر ما بقـى شـي  اخسـره كانت طموحاتي تعدّي بي على سطح القمـر واليوم ما عادت تجازو بي حواف المسطـره ماني بشاعر بس لي معنى ولي وزن وبحـر بالمختصر هاوي شعر خارج حدود  السيطره أفنيت في الدنيا عمر اتعلّم شْ لـون  البشـر تخطي وترجع ترتكب نفس الخطأ  وتكـرّره وكلْ ما قلت أستتب الأمن والحـال  أستقـر فجأه لقيت أهل الشعر واجوا الشعر متوتـره والساحه اللي ما نفع معها دوا وخـز الأبـر تحتاج الى جرّاح متخصّص بعلم  القسطـره ولا النـظـر 6/6 بفـحـص المخـتـبـر بس الخطر والمشكله قلبٍ.. وإذن.. وحنجره وِشْ تنتظر يا متقن اللعبه باساليـب  الهكـر وِشْ تنتظر والظاهره ترقى لحـد المسخـره ملّيت ملّيت اسمعك صبر صبر صبر صبـر إلى متى تجبرنـي اتحمّـل قصايـد ثرثـره شاعر ويخلط بين أساليب العمـودي والنثـر والشعر قد لا يدركه وْ شـي مـا يتصـوره وما يعيش الاّ الجزل طال الزمن ولاّ قصـر ولاّ الهزل قـد نسمعـه مـره ولا  نتذكّـره أمّا الهنوف اللي تمرّ الذاكره صوت  وصور أستنفدت كلّ الصبر من أوّلـه ليـن  آخـره تخطي وتجرح كلّ مرّه والعذر نفس  العـذر يا كثر ما هي تستغل العفـو عنـد المقـدره إن أقبلت وْشفتها أنسـاك يـا وجـه الفقـر وان أدبرت ذكرت حجم أقساطي  المتأخّـره خسرتها ضمن الطموح اللي على سطح القمر وأستغفر الله لو بقول ان ما بقى شي  اخسره

أكمل القراءة »

اشباه الرجال

ياماحلا   عشرين    شاعر    قالها    ياماحلا ياماحلا      /كذا../كذا../بأقوالهم      متفائلين وانا   بعد   بااقولها   لوكان    قلبي    ماسلى يامحلا    خوة    رجالاً    طيبين     وغانمين اللي  بهم  دوم  افتخر  وأعلن  على  كل  الملا وأعرض عن اشباه الرجال المغرضين الحاقدين اهل  البسيطه  تشترك  في  النار.والماء.والكلا ونْاس لو  شي  في  يديهم  ماعطونا  الاكسجين اللي   بوجهي   جاملوني   ياهلا   والله    هلا وأن غبت عنهم يطعنون الظهر بالحكي  المشين   وانا  من  الي  مجدهم   لين   الثرياء   اعتلى رجال  ماتخضع   سوى   لله   رب   العالمين والهاجس الي هدني.  هيا  ارحلا  قوم  ارحلا ماودي ارحل من سكوني وأرجع  بخفي  حنين هذي  رساله  صغتها  عبر   القوافي   وانجلا عن  خاطري  همٍ   كبير  وفوق  ماتتصورين الى  هنا  وبغلق   الموضوع   يا(همسة   غلا) من قبل لخرج عن نطاق التغطيه .والصبر زين وحسين لامن  ضاق  صدره  بالمشاكل  وابتلى وْجاه ضغط السكري  يكتب  قصيده  (أونسلين) وأقول لا./ وارجع وأكرر /لا./ ولا./ والف لا مايلدغ  المؤمن  ابد  من  جحر  واحد   مرتين

أكمل القراءة »

عيب

ياعيد ماعادت معـي تفـرق… تجـي ولا تـروح وش الجديد؟ اللـي يسـر الحـال يالعيـد  السعيـد عام أشتكي لك من جروح…العام ذا نفس الجروح وأن كان ماعنـدك جديـد لاتقتـرب خلـك  بعيـد مادام أشوف أن الوسايل ((عيب)) والمقصد شحوح(!) باقوم وأذبـح غايتـي مـن الوريـد الـى الوريـد ومادام ماحد يستمع الأسـرار لـو قـررت  أبـوح بحـط مـن دون الصـدر ياعيـد بوابـة حـديـد الوقت مايحفظ صروح الا يهـد أعـرق  صـروح وانـا ضحيـة (علمنـة) نظـام عالمنـا الجـديـد تعبـت وينـك يا(أمـل) وْضقـت وينـك ماتلـوح ماتشوفني من كم سنه واقف علـى دربـك  وحيـد حتى طموح الشاعـر المجنـون ماعـادت طمـوح يحـس كـن النـاس ماتقـرا ولاتسمـع  قصيـد

أكمل القراءة »

عصر الأمركة

يا صاحبي عشرين مرّه قلت لـك  لا تشتكـي                   لا تشتكي من جور بقعا والظـروف المنهكـه   دام ان حياتك معركه خلّك ذكي .. خلّك ذكي                  واصبر على جور الزمن. تقدر تدير المعركه   اللي تعوّد يشتكي… والله لو يبكـي..  بكـي                        ما يرحمه وقته.. ولا تنفع معـاه  البكبكـه   يا هيه يللي تلعب ادوار الفقيـد أحمـد زكـي                        ...

أكمل القراءة »

يازين

لد النظر… يازيـن.. يازيـن.. يازيـن                       ان كـان باقـي للمحبـّه مــروّه القلب لـك موطـن تعـال اسكنـه ليـن                 تضفي على بـرّه.. وبحـره.. وجـوّه ما تذكر أني صابـر سْنيـن..  وسْنيـن                  واقـول لـوّه يعطـف الزيـن..  لـوّه وِشْ فيك ما ترحـم ولاقلبـك  يليـن؟                  حتـى العـدو يمكـن يـروف بعـدوّه لا تحسـب الثـروه ميـات  الملايـيـن                والعقـل ثـروه.. ما تقـارن.. بـثـروه لو ضاقت الدنيا مـن يْسـار  ويميـن                       ...

أكمل القراءة »

نوف

الله مــن قلـبٍ مولـع  وملهـوف صابر على جور الزمان وصروفـه بين الأمل والياس والسمع والشـوف والحـظ ولا حـظ طـول وقـوفـه والحل والترحال والأمـن والخـوف اعزف على اوتار الحياه  امعزوفـه يالعنبو حظٍ حــداني علـى نـوف ويازين حظه من غدت نوف  نوفـه عن وصلكم يابنت حدتني   ْظـروف وعزي لمن مثلـي تحـده  ظروفـه وماحدني خشيه من ارماح وسيـوف والمـال مـن قلّـه وكثـرة الوفـه ماحدني غير أني انسـان معـروف أفخر بربعـي والرجـال ْمعروفـه اهل الوفا اللي فيهم الطيب  مألـوف وأكرم من الله شرفـه فـي ضيوفـه لولا اختلاف ْسلوم وطبوع ووصوف مايأخذك غيـري وعينـي  تشوفـه هذي النهايه قلتهـا منـك مكسـوف ومن غيره الله مكتمل فـي وصوفـه تبقى لكم ذكرى معي داخل الجـوف وتزورني في كـل لحظـه  طيوفـه يانوف هذا العذر واللعـب مكشـوف (ماهو بعذر اللـي يفـرك  كفوفـه!) صغت أعتذاري لك بكلمات وأحروف وارجوك قولـي ماعليكـم حسوفـه  

أكمل القراءة »

بطاقة دعوه

زيـّف وشـوّه للحقايـق شـوّه                         ما عدت والله للمشاكـل  قـاوي وسو الذي تبغي تسـوي  سـوّه                      دامك على هجري وبعدي  ناوي يالبلـوه اللـي ما بعدهـا بلـوه                         ما مثلهـا الاّ مشنقـة عشمـاوي مفروض ترحـل دون ما تتفـوّه                          يكفيك ان برج الثقـه متهـاوي الخاين اللي ينشـرى  بالرشـوه                         ...

أكمل القراءة »

وجهة خامسة

لو تشوفيني تجاهلـت البنـات  المعجبـات                                ما تجاهلتك وإنتـي ساكنـه بيـن  اضلعـي   إعتبرْك القلب وجهه خامسه لأربع  جهـات                                 ينتظر لحظه على عرشـه تجـي تتربعـي   شاف فيك اكبر حصانه في زمان الأنفـلات                               مانوى يخدعك وأنتي ذي نويتـي تخدعـي   ما بغيـت الاّ تّحلّـي بالصفـات  الطيبـات     ...

أكمل القراءة »

الغامضه

أوافق اللي في البداية ما رضيـت  اوافقـه                        و بعترف ما كل من يبغي يشـوف يشوفهـا اللي توارت عن عيون العالـم المتحاذقـه من حرصها حتى يديها ما تبيـن  كْفوفهـا الطاهـره والعاقلـه والطيّبـه والواثـقـه ما تطمح ان شاعر يعدّد في مزايا وْصوفها الغامضه لغز السنيـن السابقـه واللاحقـه مهما تكون ظْروفها محّد يعرْف ظْروفهـا واللي عيونه كل ما مَرّ البنـات تْسابقـه لكن ذي لو مرّها غض النظـر و يطوفهـا ما تدري انها شكّلت لحظه بعمري  فارقـه لو تلتفت لضيوفها انـا كبيـر  ضْيوفهـا أحشد هواجيسي واستنفر قـواي الخارقـه واكتب قصيدة بالذهب يطرزون حْروفهـا واجي لها فارس سرى في ليل يجهر بارقـه ساري على وضْح النقا والنفس بدّد خوفها مادام هي صوره خياليـه بذهنـي عالقـه ياليت لي صوره وتحذفها على احد رْفوفها أو ليت وجهات النظـر بعيوننـا  متطابقـه وتشوفني واشوفهـا ويكتمـل  معروفهـا        

أكمل القراءة »

توبه

ياوجودي وجْد شاعر ما تحقـق لـه  مـراده                                الزمن حطّم طموحاته وتاهـت بـه دروبـه وجد من حدّه زمانه ما عرف طعـم السعـاده                                ضاعت سْنينه وربعه من حواليه  غْدروا بـه ما ورثـت إلاّ العزيمـه والتـحـدّي والإراده                                من رجالٍ سطّروا تاريـخ مثلـي  يفخروا بـه قالهـا شاعـر علـى الله اتّكالـه وأعتمـاده                              والوفا والصدق والإخلاص من اكبر عيوبـه ما توقّف في مسيره لـو تعثّـر بـه  جـواده                             ومارضى بالهون لوناس خْضعوا له وارتضوا به والرياده نصب عينه ما يجـي دون  الريـاده                             والطموح اللي تمنى له يعن القلـب  صوبـه وانت يَـ اللي ماورثـت الاّ الغبـاوه  والبـلاده                             لو درى القلّه بعيبـك الاغلبيّـه مـا دروا بـه والله انّـك لـو حلمتـه ما تعدّيـت الوسـاده                              الزمن وجهه شمـال وانـت يمّمتـه جنوبـه (لو صحيح العقل يرقد ثم يصحى من رقـاده                              (كان ماشيدت قصر الوهم طوبه فوق  طوبه) ولو صحيح ان الدراسه قد تفيد أكبـر افـاده كان مثلك فِـ الدراسه قد بنـى ثامـن اعجوبـه لو يكون الأمر بايدي لَـ امنحـك أعلـى شهـاده في التخلّـف لأن مثلـك ما يكفّينـي رسوبـه المصيبه يوم ترضى في هلك حرب  الإبـاده وانت شايف كل لحظه.. ينتهك ستر  العروبه والمصيبه يوم رجْلٍ  ما يدافع عـن بـلاده ...

أكمل القراءة »