حسين بن سوده | الموقع الشخصي
|
يْقول نتشابه وانا اقـول: لا.. فـرْق
أمّـا الضحايا..كـل منّـا ضحـيّـه
|
|
أنا ضحيّه..لاختلافي في.. الطـرْق
وانته ضحيّه.. مـن قصايـد رديّـه
|
|
أنا أزرقوني من سهوم الغـدر زرْق
وانته.. مدلّـل فـي عيـون أنثويّـه
|
|
أنا عطوني(للسحب) تجـزي البـرْق
وانته عطيّـه.. مـا وراهـا جزيّـه
|
|
أنا احترقت أجنّب اخوانـي الحـرْق
يوم الخـوي بيديـه يحـرق خويّـه
|
|
واعفيت يا (روح القضا) تهمة السرْق
عشـان.. تسرقنـي أيـادي خفيّـه
|
|
قدّمتني قربـان للغـرب يـا شـرْق
وأرضيتهـم..ولا رضيتـه علـيّـه
|
|
واستشهد التاريخ في مقلتـي غـرْق
يعني ضحيّه فـي عيـون الضحيّـه
|
